ត្រៀមការធ្វើដំណើររបស់អ្នក

«គ្មានអ្វីត្រូវប្រកាស» ឬ «ទំនិញត្រូវប្រកាស»

ពេលដើរទៅរកច្រកចេញពីអាកាសយានដ្ឋាន សូមដើរតម្រង់ទៅរកច្រកទ្វារត្រូវតាមករណីរបស់លោកអ្នករៀងៗខ្លួន។

• ច្រកពណ៌បៃតងគឺសម្រាប់អ្នកដំណើរដែលគ្មានរបស់ប្រកាស ឬមានតែរបស់ដែលត្រូវបានអនុញ្ញាតឱ្យយកចូលដោយមិនជាប់ការត្រួតពិនិត្យគយ មិនជាប់ពន្ធ និងអាករ ដោយគ្រាន់តែសរសេរថា «គ្មានអ្វីត្រូវប្រកាស»។
• ច្រកពណ៌ក្រហមគឺសម្រាប់អ្នកធ្វើដំណើរដែលយកតាមខ្លួននូវរបស់ដែលអាចជាប់កាតព្វកិច្ចពន្ធ របស់ហាមឃាត់ ឬរបស់ស្ថិតក្រោមការរឹតត្បិតផ្សេងទៀត ដោយអ្នកដំណើរត្រូវសរសេរថា «មានទំនិញត្រូវប្រកាស»។ 

សម្គាល់៖ មន្ត្រីគយអាចធ្វើការឆែកឆេរបែបចុចយកដោយចៃដន្យ លើអ្នកដំណើរដែលចេញពីអាកាសយានដ្ឋានតាមច្រកពណ៌ទាំងពីរនេះ។
ការពិន័យ និង/ឬ ការផាកនឹងត្រូវបានអនុវត្តទៅលើអ្នកដំណើរទាំងឡាយណាដែលប្រើប្រាស់ច្រកពណ៌បៃតងដោយចេតនាហើយមិនប្រកាសអំពីទំនិញយកតាមខ្លួនដែលជាប់កាតព្វកិច្ចពន្ធ ដែលត្រូវបានរឹតត្បិត ឬដែលជាប់បម្រាម។  

ផលិតផលដែលអាចយកចូលប្រទេសកម្ពុជាបាន

អ្នកដំណើរម្នាក់ចូលប្រទេសកម្ពុជាមានសិទ្ធិយកតាមខ្លួននូវផលិតផលដូចខាងក្រោម៖

• ស្រាក្រហម/ស ២លីត្រ***
• បារី ៤០០ដើម, ស៊ីហ្ការ ១០០ដើម ឬថ្នាំជក់ ៤០០ក្រាម***
• ទឹកអប់ និងទឹកក្រអូប ៣៥០មីល្លីលីត្រ
• ថ្នាំពេទ្យសម្រាប់ការព្យាបាលផ្ទាល់ខ្លួន
• សម្ភារ និងឧបករណ៍ផ្សេងទៀតក្នុងបរិមាណមានកម្រិតសមល្មមចាំបាច់សម្រាប់រយៈពេលធ្វើដំណើរ ហើយមិនស្ថិតក្នុងចំណាត់ថ្នាក់ទំនិញជាប់បម្រាម

***អ្នកដំណើរអាយុក្រោម១៨ឆ្នាំមិនត្រូវបានអនុញ្ញាតឱ្យយករបស់ទាំងនេះតាមខ្លួនទេ។

បែបបទគយពេលមកដល់

• ទំនិញដែលមានតម្លៃសមមូលទៅនឹង ឬច្រើនជាង ១០០ដុល្លារអាមេរិក ត្រូវជាប់កាតព្វកិច្ចពន្ធគយ និងអាករ។
• ប្រសិនបើតម្លៃគយលើទំនិញមានលើសពី៣០០ដុល្លារអាមេរិក ទំនិញទាំងនោះត្រូវតែប្រកាសក្នុងបែបបទប្រតិវេទន៍គយ។
• ប្រសិនបើវាមានតម្លៃតិចជាង ៣០០ដុល្លារអាមេរិក ទំនិញទាំងនោះត្រូវប្រកាសក្នុងបែបបទមិនមែនពាណិជ្ជកម្មនៃប្រតិវេទន៍គយ។
• អីវ៉ាន់ដែលត្រូវនាំចូលបណ្តោះអាសន្នត្រូមានការអនុញ្ញាតជាមុនសិនពីសំណាក់អគ្គនាយកដ្ឋានគយនិងរដ្ឋាករកម្ពុជា មុននឹងធ្វើការនាំចូល។
• ការយករូបិយវត្ថុបរទេសចូលប្រទេសកម្ពុជាគ្មានការកំណត់ទេ ប៉ុន្តែអ្នកដំណើរត្រូវបំពេញប្រកាសគយប្រសិនបើចំនួនរូបិយវត្ថុមានលើស ១០០០០ដុល្លារអាមេរិក (មួយម៉ឺនដុល្លារអាមេរិក) ឬរូបិយវត្ថុបរទេសដែលមានតម្លៃស្មើនេះ។
• ការនាំចូលទំនិញជាប់បម្រាមត្រូវមានអមជាមួយដោយអាជ្ញាប័ណ្ណមានសុពលភាពដែលចេញដោយអាជ្ញាធរពាក់ព័ន្ធ និងលិខិតអនុញ្ញាតនាំចូលដែលចេញដោយអគ្គនាយកដ្ឋានគយនិងរដ្ឋាករកម្ពុជា។

ពេលនាំចូល អាវុធ គ្រឿងផ្ទុះ និងគ្រាប់រំសេវ និងយុទ្ធោបករណ៍ផ្សេងទៀតដែលមានការហាមឃាត់តឹងរ៉ឹង ត្រូវមានអមដោយអាជ្ញាប័ណ្ណមានសុពលភាពដែលចេញដោយក្រសួងការពារជាតិ និងលិខិតអនុញ្ញាតនាំចូលដែលចេញដោយអគ្គនាយកដ្ឋានគយនិងរដ្ឋាករកម្ពុជា។ 

បែបបទគយពេលចេញដំណើរ

• អ្នកដំណើរចាកចេញពីប្រទេសកម្ពុជាត្រូវបំពេញបែបបទប្រកាសរបស់អ្នកដំណើរ បើសិនជាមានយកតាមខ្លួននូវវត្ថុដូចខាងក្រោម អមដោយឯកសារច្បាប់ដើមជាមួយផង។ អ្នកដំណើរត្រូវដាក់បែបបទនេះជូនការិយាល័យគយនៅត្រង់ច្រកចេញ។
• រូបិយវត្ថុបរទេសលើសពី ១០០០០ដុល្លារអាមេរិក (មួយម៉ឺនដុល្លារអាមេរិក)ត្រូវមានលិខិតអនុញ្ញាតពីធនាគារជាតិកម្ពុជា និងលិខិតអនុម័តយល់ព្រមពីអគ្គនាយកដ្ឋានគយនិងរដ្ឋាករ បើសិនជាអ្នកដំណើរមិនបានប្រកាសអំពីការនាំចូលរូបិយវត្ថុនេះ នៅពេលចូលក្នុងប្រទេសកម្ពុជា។
  ការនាំចូលអីវ៉ាន់បណ្តោះអាសន្នណាមួយ ត្រូមានការអនុម័តយល់ព្រមពីសំណាក់អគ្គនាយកដ្ឋានគយនិងរដ្ឋាករកម្ពុជា ជាមុនសិន។
• ការនាំចូលអីវ៉ាន់បណ្តោះអាសន្នណាមួយ ត្រូមានការអនុម័តយល់ព្រមពីសំណាក់អគ្គនាយកដ្ឋានគយនិងរដ្ឋាករកម្ពុជា ជាមុនសិន។
• ការនាំចូលទំនិញជាប់បម្រាមនិងស្ថិតក្រាមការរិតត្បឹតត្រូវមានអមជាមួយដោយអាជ្ញាប័ណ្ណមានសុពលភាពដែលចេញដោយអាជ្ញាធរពាក់ព័ន្ធ និងលិខិតអនុញ្ញាតនាំចូលដែលចេញដោយអគ្គនាយកដ្ឋានគយនិងរដ្ឋាករកម្ពុជា នៅមុនការនាំចេញ។
• ការនាំចេញណាមួយនូវអាវុធ គ្រឿងផ្ទុះ និងគ្រាប់រំសេវ និងយុទ្ធោបករណ៍ផ្សេងទៀតដែលមានការហាមឃាត់តឹងរ៉ឹង ត្រូវមានអមដោយអាជ្ញាប័ណ្ណមានសុពលភាពដែលចេញដោយក្រសួងការពារជាតិ និងលិខិតអនុញ្ញាតនាំចូលដែលចេញដោយអគ្គនាយកដ្ឋានគយនិងរដ្ឋាករកម្ពុជា។
• វត្ថុសិល្បៈ រូបបដិមា វត្ថុបុរាណ និងវត្ថុមានវ័យចំណាស់ផ្សេងទៀត ត្រូវមានលិខិតអនុញ្ញាតដែលចេញដោយក្រសួងវប្បធម៌ និងវិចិត្រសិល្បៈ និងលិខិតអនុញ្ញាតឱ្យនាំចេញ ដែលចេញដោយអគ្គនាយកដ្ឋានគយនិងរដ្ឋាករកម្ពុជា នៅមុនការនាំចេញ។
• ពេលនាំចេញរុក្ខជាតិ និងសត្វរស់ ចាំបាច់ត្រូវមានភ្ជាប់ជាមួយនូវលិខិតអនុញ្ញាត ឬអាជ្ញាប័ណ្ណដែលចេញដោយក្រសួងកសិកម្ម រុក្ខាប្រមាញ់ និងនេសាទ នៅមុនពេលនាំចេញ។

នីតិវិធីបញ្ចេញអីវ៉ាន់នាំចូលនៅស្ថានីយកាហ្គោ

ការនាំចូលទំនិញដោយអង្គភាព/ឬបុគ្គលដែលគ្មានការចុះបញ្ជី VAT TIN ក្នុងគោលបំណងពាណិជ្ជកម្ម ត្រូវមានអមដោយលិខិតអនុញ្ញាតដែលអគ្គនាយកដ្ឋានគយនិងរដ្ឋាករចេញឱ្យ មុនពេលនាំចូល។ អីវ៉ាន់ដែលស្ថិតក្នុងចំណាត់ថ្នាក់ថាជាការនាំចូលបណ្តោះអាសន្ន វត្ថុផ្ទាល់ខ្លួន និងអីវ៉ាន់ដែលកាតព្វកិច្ចពន្ធគយនិងរដ្ឋាករ ជាបន្ទុករបស់រដ្ឋាភិបាល ត្រូវមានលិខិតអនុញ្ញាតមានសុពលភាព ដែលអគ្គនាយកដ្ឋានគយនិងរដ្ឋាករចេញឱ្យ មុនពេលនាំចូល។

សេចក្តីជូនដំណឹង:

អ្នកដំណើរត្រូវទទួលខុសត្រូវចំពោះមុខច្បាប់ ផ្លូវតុលាការ ទទួលការផាកពិន័យ និង/ឬ ទណ្ឌកម្ម ក្រោមច្បាប់នៃព្រះរាជាណាចក្រកម្ពុជា ប្រសិនបើត្រូវបានគេរកឃើញថា មានពិរុទ្ធក្នុងការប្រកាសក្លែងបន្លំ និងបំពានលើបញ្ញត្តិដែលបានចែងនៅក្នុងសេចក្តីប្រកាសនេះ។

ព្រមាន:
ការរត់ពន្ធគ្រឿងញៀនគ្រប់ប្រភេទជាអំពើខុសច្បាប់ ហើយត្រូវបានចាត់ទុកថា ជាឧក្រិដ្ឋកម្មធ្ងន់ធ្ងរ។ អ្នកដំណើរណាដែលត្រូវបានរកឃើញថាមានពិរុទ្ធអាចជាប់ពន្ធនាគារមួយជីវិតអនុលោមតាមច្បាប់របស់ព្រះរាជាណាចក្រកម្ពុជា។